Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Сяргей Грахоўскі - Колас

Кнопка отправить на печать

Ён узышоў на нёманскай раллі
З маленькага адборнага зярняці.
Слязьмі і потам палівала маці
Яго на поснай, не сваёй зямлі.

Ён прагна пацягнуўся да святла —
Сцяблінка ледзьве-ледзь пласты

прабіла

Ад градабою дзічка засланіла,
Ад згубы перапёлка зберагла.

Закаласеў, закрасаваў,

    высока

Падняў над жытнім полем галаву:
Убачыў нашу ніву, і траву,
I сонца, і ружовыя аблокі.

У навальніцу буйныя вятры
Кацілі збожжа ўспененыя хвалі,
Але высокі колас не зламалі
I нават не сагнулі без пары.

Ён выстаяў і выспеліў зярняты,
Яму шапталі казкі васількі,
Яго віталі крыллем ветракі,
Здалёк з надзеяй пазіралі хаты.

Шумела жыта, і каціўся голас
То грозны, то пяшчотны ў цішыні,
Заходзіўся жаўрук у вышыні,
А песні жалю пеў даспелы колас.

Праз дым пажараў завітала свята
У нашыя прасторныя палі.
Вялікі Колас выспеліў зярняты —
Адвечны скарб для новае зямлі.

Комментарии (0)

Нет комментариев. Ваш будет первым!