Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by ці на сайце oz.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Васіль Зуёнак - Дала прырода мне ваду і цвердзь...

Кнопка отправить на печать

Дала прырода мне ваду і цвердзь,
Дала агонь, каб не блукаў я слепа,
Дала жыццё, а з ім дала і смерць...
Дала зямлю – а я глядзеў у неба...

А каб агонь свяшчэнны не патух,
Каб зноў не захлынуўся чорнай багнай,
Дала прырода мне высокі дух.
А я ствараў багоў – я неба прагнуў...

Я шмат чаго тады не разумеў,
Я і цяпер, бадай, не разумею.
Я іх ствараў, і з імі я старэў.
Як і цяпер ствараю і старэю.

Усё, што сёння ісцінай слыло,
Назаўтра толькі рэхам адгукнецца.
I сіняй птушкі сіняе крыло
Кавалкам неба ў сэрцы разаб’ецца.

Загадкі непазнаных берагоў...
Адказ – адна ў мяне самаахова.
Адказу не было – ствараў багоў,
Каб потым іх забыць і ўславіць новых.

Бог – невядомасць. Вечны вораг мой.
Яго ствараю і яго звяргаю.
Бясконцы з ім і ўсеадольны бой.
Яго кляну, яму ж і прысягаю.

Быў атам – "непадзельны" – атам-бог.
Цяпер – цяпер ажно дыханне зойме,
Калі ступаю праз яго парог –
Галактыку адкрыць у пі-мезоне*.

Якое неба заўтра засялю?
З якіх арбіт пабачацца мне цуды?
Не ведаю. Адно скажу: зямлю –
Вось гэту, грэшную, ніколі не забуду.

Як ёсць яна – я сэнс вышынь лаўлю,
Ствараю неба – сонечны паганец**.
А дайце неба – я ствару зямлю,
I пойдзе ўсё зваротнымі кругамі.

 

* Пі-мезон – элементарная часціца (фіз.).

** Сонечны паганец – тут: прыхільнік язычніцкіх вераванняў, адухаўлення прыроды.


Адказы на пытанні:
   1. Аўтар адзначае, што першапачаткова ў чалавека было ўсё для жыцця: зямля, агонь, вада, аднак ён прагнуў нечага большага, "глядзеў у неба". Так ён ствараў новых багоў (маюцца на ўвазе чалавечыя вынаходніцтвы). Аднак ісціна, якую, здаецца знайшлі, мянялася з кожным новым "богам". Загадкі не знікалі з жыцця, але адны адказы адказы не прыносілі шмат карысці, другія – нараджалі новыя пытанні. Таму ў жыцці ўсё "ідзе зваротнымі кругамі". Стваральная сіла чалавечага розуму бясконцая.
   2. Лірычны герой адданы не створаным, прыдуманым багам, а зямлі і сонцу, ад якіх залежыць наша жыццё. Гэта выдатна разумелі нашы продкі, гэта разумее і лірычны герой.
   3. У вершы ўжыты навуковыя тэрміны: галактыка, арбіта, атам, пі-мезон. Магчыма аўтар хацеў надаць вершу сучаснае гучанне, падкрэсліць моц чалавечага розуму, яго развіццё, стваральную сілу.

Комментарии (0)

Нет комментариев. Ваш будет первым!