Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Кветкавыя расліны

   Кветкавыя расліны пачалі ўпрыгожваць нашу планету прыкладна сто сорак мільёнаў гадоў таму. Тады Зямля ўпершыню па-сапраўднаму заквітнела. Вось толькі любавацца гэтым хараством не было каму. Калі, вядома, не лічыць дыназаўраў і некаторых відаў млекакормячых жывёл. Што да чалавека, то ён з’явіўся тут каля трох мільёнаў гадоў таму, а гэта значна пазней за кветкавыя расліны. А на тэрыторыі, што сёння займае Беларусь, знойдзена адна з самых старажытных стаянак першабытнага чалавека, якая знаходзіцца ў Калінкавіцкім раёне. Ёй дваццаць шэсць з паловай тысяч гадоў, што нямала нават для ўсёй Еўропы.
   Зрэшты, у навуцы кветкавымі называюць не толькі расліны, якія прыгожа цвітуць. Кветкавыя – гэта тыя расліны, што маюць кветку, дзякуючы якой утвараецца насенне, схаванае ў абалонцы плода. Таму імі могуць быць не толькі травы, але і дрэвы, і кусты. Сёння ў свеце вядома каля двухсот пяцідзесяці тысяч іх відаў.
(137 слоў)

Паводле А. Бадака.

Похожие статьи:

Алесь БадакАлесь Бадак - Маці

Алесь БадакАлесь Бадак - Беларусачка

Алесь БадакАлесь Бадак - Адзінокі васьмікласнік жадае пазнаёміцца

Пераказы, дыктантыАмерыканцы ў Беларусі

Пераказы, дыктантыРасліны-лекары