Расла ў лесе елачка. Стаяла асобна, бо занадта ганарлівая была. Дрэвы зайздросцілі ёй. Асабліва восенню ды зімой, калі ападала лістота.
Аднойчы пад Новы год чалавек завітаў у лес з сякерай. На месцы елачкі застаўся толькі пянёк, які зацерушыў снег. Сама елачка перасялілася ў гарадскую кватэру, дзе стаяла прыгожая, з рознакаляровымі шарамі.
Доўжылася свята толькі два тыдні. Затым з елачкі знялі ўпрыгожванні, вынеслі з кватэры. Ніхто не ведае, як склаўся яе лёс далей.
А дрэўцы ў лесе растуць як раслі. З вясны да восені шумяць лістотай. Часам згадваюць сваю ганарлівую сяброўку. Праўда, ужо без зайздрасці.
(96 слоў)
(Паводле А. Зэкава)
Похожие статьи:
Ядвіга Бяганская → Ядвіга Бяганская - Міколкава ялінка
Васіль Хомчанка → Васіль Хомчанка - Елка з белымі кветкамі
Янка Журба → Янка Журба - Наша ёлка
Пераказы, дыктанты → Памятны ўрок
Мікола Чарняўскі → Мікола Чарняўскі - Ёлка
