Пра шчасце ў дзяўчынкі спыталі.
Дзе шчасце, спыталі ў яе.
А шчасце – блакітная далеч.
А шчасце – што птушка пяе.
А шчасце – пабегчы сцяжынкай,
дзе сінню цвітуць васількі;
лічыць на далонях дажджынкі
і плесці над рэчкай вянкі.
А шчасце – з сябрамі на ўроку
адказ у задачы знайсці.
Дадому паспешлівым крокам
да роднай матулі ісці.
А шчасце – плыць ціха на лодцы
сярод беласнежных лілей.
А шчасце – у роднай старонцы,
якая за ўсё даражэй.
Похожие статьи:
Пераказы, дыктанты → Проста радасць
Змітрок Бядуля → Змітрок Бядуля - Шчасце не ў золаце
Максім Танк → Максім Танк - Шчасце
Пераказы, дыктанты → Шчасце
Янка Сіпакоў → Янка Сіпакоў - Шчасце
