Хмаркі цёмныя, мае братанькі!
Вецер гоне вас без дарожанькі,
I нігдзе ж для вас няма хатанькі...
Адпачынеце аж у Божанькі!
Гдзе радзіліся, гдзе ж вы, хмарачкі,
Гдзе «тутэйшымі» называліся!
Леціцё усё, так як ярачкі...
Хоць бы трошкі гдзе затрымаліся!
Зямлі родненькай, знаць, няма у вас,
Ні вуголчыка, ні прытулачку.
А тут вецер дзьме горшы раз у раз,
Леціце жа вы без ратуначку!..
Летучы, слязой зямлю росіце,
Аж шумяць лісткі, зелянее лес;
Уміраючы, жыццё носіце,
Усяму жыццё, сабе толькі крэс!
Похожие статьи:
Францішак Багушэвіч → Творчасць Францішка Багушэвіча
Пятро Глебка → Пятро Глебка - Хмаркі
Францішак Багушэвіч → Францішак Багушэвіч - Гора
Францішак Багушэвіч → Францішак Багушэвіч - Смык
Францішак Багушэвіч → Францішак Багушэвіч - Бог не роўна дзеле