Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Сяргей Грахоўскі - Калыханка

Носіць зорны парасон
І нячутна ходзіць сон,
Ціха, голасам бабулі
Ён спявае: «Люлі-люлі,

Люлі-люлі, люлі-люлі,
Дзеткі ўсе даўно заснулі.
Зоркі спяць у вышыні,
Дык і ты хутчэй засні.

Залаты маладзічок
Лёг у небе на бачок,
На канапе дрэмле мішка,
Пад сталом заснула мышка.

– Люлі-люлі, а-а-а, –
Шэпча росная трава.
– Баю-бай, – спявае слон
І вядзе ў дзівосны сон –

На пуховыя падушкі
І ў краіну райскай птушкі.
Усё заснула ў цішыні,
Дык і ты хутчэй засні.

Люлі-люлі, баю-бай,
Спі, дзіцятка, засынай,
Дарма вочкі не сляпі,
Спі спакойна, спі, спі.
А-а-а... А-а-а...».

 

Похожие статьи:

ККалыханка

Ніна МацяшНіна Мацяш - Калыханка маме

Пераказы, дыктантыКалыханка

Васіль ВіткаВасіль Вітка - Калыханка

Алесь КамароўскіАлесь Камароўскі - Чарнобыльская калыханка