Жураўліная труба
Праспявала весела.
Косы доўгія вярба
Над вадою звесіла.
Песні звонкай не ў журбе
Долы адгукнуліся.
Раннем ясным на вярбе
Коцікі прачнуліся.
Гнёзды гай стары сагрэў,
Сонейка ўсміхаецца.
У змакрэлым вецці дрэў
Птушкі звонка раяцца.
І звіняць, удаль бягуць
Ручайкі срабрыстыя.
На вярбе цвітуць, цвітуць
Коцікі пушыстыя.
Завірухі адгулі,
Сцюжы больш не сцюжацца.
Пчолы, мушкі, матылі
Над вярбою кружацца.
Похожие статьи:
Віктар Гардзей → Віктар Гардзей - Падарожжа ў Цельшына
Віктар Гардзей → Віктар Гардзей - Лясная трывога
Віктар Гардзей → Віктар Гардзей - Старыя жорны
Віктар Гардзей → Віктар Гардзей - Каламутная вада
Віктар Гардзей → Віктар Гардзей - Бедная басота (урывак)
