А ці байка,
а ці быль –
дзед набыў
аўтамабіль.
Хоць няма ў яго
правоў,
рухавік уміг завёў.
Круціць руль
адважны дзед –
толькі пыл
курыцца ўслед.
Толькі ш-шыны –
ш-шу-шу-шу –
вылятаюць на ш-ша-шу.
І папёр-р-р
матор-р-р,
папёр-р-р
на чырвоны святлафор.
Раптам міліцыянер –
цоп дзядулю
за каўнер:
– На сваім аўтамабілі
шмат бяды вы б нарабілі!
Дзе правы?
Няма правоў?
Пешкі пойдзеце дамоў!..
Дзед машыну –
на шнурок
ды дадому павалок:
– Падару сваю машыну
ўнуку я –
на імяніны!..
Похожие статьи:
Уладзіслаў Галубок → Уладзіслаў Галубок - Забытая хатка
Павел Місько → Павел Місько - Як дзеда дзялілі
Васіль Зуёнак → Васіль Зуёнак - Ехаў дзед дадому...
Уладзімір Дубоўка → Уладзімір Дубоўка - Пра дзеда і ўнука
Васіль Вітка → Васіль Вітка - Казкі дзеда Васіля
