Зноў сёння ўнучка Тоня
пытанне мне задае:
– Радзіма… Што гэта такое?
Як пазнаваць мне яе?
Вы ведаеце, дзеці,
які я ёй даў адказ,
па якой прыкмеце
Радзіму пазнаць можна ўраз?
Чуеш, як птушка спявае?
У песні яе жывой –
голас роднага краю,
голас Радзімы тваёй.
Бачыш, як сад квітнее,
як ззяе на лузе раса?
То роднага краю надзея,
то любай Радзімы краса.
– Вось дзіва! – усклікнула Тоня. –
Радзіма – бы мама мая:
усё харошае тое,
што чую і бачу я.
Похожие статьи:
Алесь Бачыла → Алесь Бачыла - Радзіма мая дарагая...
Алесь Разанаў → Алесь Разанаў - Радзіма
Пераказы, дыктанты → Скарбы нашай Радзімы
Янка Купала → Тэма народнага жыцця і любоў да Радзімы ў творчасці Янкі Купалы
Пераказы, дыктанты → Ганарымся Бацькаўшчынай
