Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Анатоль Вярцінскі - Цётка плакала па ўсім свеце...

Цётка плакала па ўсім свеце...
Былі ў цёткі муж і дзеці.
Іх забрала ў цёткі вайна,
засталася цётка адна.
Вылівала цётка душу,
цётка плакала па мужу,
цётка плакала па дзецях,
цётка плакала па людзях...
Па ўсіх раненых і забітых,
незабытых і забытых,
па ўсіх, хто ў палоне-няволі,
па ўсіх, хто замярзае ў полі,
па ўсіх тых, каму не салодка,
горка плакала цётка.
Цётка свету ўсяму спагадала,
яго раны лячыла аддана.
Які б вылечыў іх урач,
каб не цётчын спагадлівы плач?
Цётка плакала па ўсім свеце...
Пахавалі цётку суседзі,
пахавала цётку сяло,
бо радні ў яе не было.
Былі колісь муж i дзеці,
ды загінулі на вайне...
Цётка плакала па ўсім свеце,
а па цётцы хто плакаў ці не?

 

Похожие статьи:

Анатоль ВярцінскіАнатоль Вярцінскі - Бар'еры

Анатоль ВярцінскіАнатоль Вярцінскі - Гавары са мной ласкава...

Анатоль ВярцінскіАнатоль Вярцінскі - Медсястры

Анатоль ВярцінскіАнатоль Вярцінскі - Рэквіем па кожным чацвёртым

Анатоль ВярцінскіАнатоль Вярцінскі - Аналіз творчасці