Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Максім Багдановіч - Санет (Паміж пяскоў Егіпецкай зямлі...)

Ахвярую А. Пагодзіну

Un sonnet défaut vaut
seul un long poéme.
Boiteau*

(* Беззаганны санет варты
 адзін цэлай паэмы.
Буало)


Паміж пяскоў Егіпецкай зямлі,
Над хвалямі сінеючага Ніла,
Ўжо колькі тысяч год стаіць магіла:
Ў гаршку насення жменю там знайшлі.

Хоць зернейкі засохшымі былі,
Усё ж такі жыццёвая іх сіла
Збудзілася, і буйна ўскаласіла
Парой вясенняй збожжа на раллі.

Вось сімвал твой, забыты краю родны!
Зварушаны нарэшце дух народны,
Я верую, бясплодна не засне,

А ўперад рынецца, маўляў крыніца,
Каторая магутна, гучна мкне,
Здалеўшы з глебы на прастор прабіцца.

 

Похожие статьи:

Максім БагдановічМаксім Багдановіч - Санет (Замёрзла ноччу шпаркая крыніца...)

ВВянок санетаў

Уладзімір ЖылкаУладзімір Жылка - Меч

Янка КупалаЯнка Купала - Для зямлі прадзедаў маіх...

ССанет