Хатынь

   Пра вёску Хатынь ведае ўвесь свет. Прыгожай была яна да вайны. А зараз замест вёскі з хатамі стаяць чорныя каміны́ і студні. У садах – апаленыя яблыні. Яны помняць той дзень, калі фашысты спалілі вёску разам з людзьмі.
   На месцы вёскі пабудавалі помнік. Вечны агонь запалены ў памяць Хатыні. Гудуць званы. Яны нагадваюць людзям пра жахі, якія перажыла наша Беларусь.
(60 слоў)