У бары

   Якое раздолле ў бары летам! Колькі прастору тут для забаў! Колькі дзіваў усякіх пабачыш! На высокіх кучаравых хвоях смела разгульваюць жартаўлівыя вавёрачкі. Яны зрываюць сухія шышкі і нясуць у свае гнёзды. Па густым зарасніку прамчаўся заяц. У густых верхавінах елак кружацца крыклівыя вароны. Дзятлы барабаняць па дрэвах вострымі дзюбамі. Розныя пеўчыя птушкі пырхаюць між галля. Шчабечуць шпакі. Пасвістваюць івалгі і дразды. Дзіўная музыка стаіць у бары!
(66 слоў)