Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Самае вялікае свята

   Калі пачалася Вялікая Айчынная вайна, мне было толькі два гады, але я помню, як у сонечны летні дзень ад самалёта нешта адарвалася і паляцела ўніз. Гэта была першая бомба, скінутая фашыстамі на пасёлак Гарадок, дзе мы тады жылі.
   Вайна скалечыла маё дзяцінства і забрала ў мяне бацьку. Ён загінуў у красавіку сорак пятага года недалёка ад Берліна. Цяпер там вайсковыя мемарыяльныя могілкі, дзе на адным з надмагільных камянёў высечана прозвішча майго бацькі. Я ж разам з маці да канца вайны быў вязнем працоўнага лагера ў польскім горадзе Быдгашч. Вызваленне да нас прыйшло ў студзені сорак пятага года.
   Неба майго сіроцкага дзяцінства вечна будзе расквечваць пераможны майскі салют. Дзень Перамогі з таго часу для мяне – самае вялікае свята. Здаецца, якраз да гэтага свята дрэвы апранаюць сваё зялёнае лісце, а ў кветніках палымнеюць цюльпаны.
(135 слоў)

Паводле У. Скарынкіна.