Пячэнне

   Мама высыпала на талерку салодкае пячэнне. Бабуля падрыхтавала сподачкі і кружкі. Валодзя і Міхась уладкаваліся за сталом. Хлопчыкі пачалі дзяліць пячэнне на дзве роўныя кучкі. Як смачна было братам есці пячэнне з чаем! Кучкі пячэння хутка змяншаліся. Мама і бабуля маўчалі. Прысмакаў больш не засталося. Хлопчыкі задаволена выйшлі з-за стала. Міхась зірнуў на матулю. Яна мяшала лыжкай некрануты чай. А бабуля задуменна жавала скарыначку чорнага хлеба.
(67 слоў)

Паводле В. Асеевай