Папіруснаму скрутку наша сённяшняя кніга абавязана тым, што там, па сутнасці, упершыню была вынайдзена старонка. На ўсіх іншых матэрыялах, скажам, на розных таблічках ці паверхнях камянёў, радкі ішлі ад краю да краю, і калі атрымлівалася наша старонка, то выпадкова. Яна паходзіла ад памеру самога матэрыялу.
Папірус жа даваў магчымасць пісаць уздоўж скрутка і мець радкі з дзясятак метраў даўжынёю. Аднак так людзі не пісалі. Бо з кожным радком як пры пісьме, так і пры чытанні трэба было б раскручваць і скручваць сувой.
Якраз у папірусным скрутку, відаць, і быў шчасліва знойдзены той памер нашай старонкі, які дазваляе нам пры чытанні вадзіць толькі вачыма ад краю да краю радка, не паварочваючы галавы. І калі часам і забаляць ад доўгага чытання вочы, то не баліць шыя...
(123 словы)
Паводле А. Клышкі
Похожие статьи:
Пераказы, дыктанты → Мініяцюрная кніга
Пераказы, дыктанты → Кнігі дапамагаюць падарожнічаць
Іван Шамякін → Іван Шамякін - Кнігі
Пераказы, дыктанты → Па матывах твора
Пераказы, дыктанты → Кніга на Беларусі