Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Званы Хатыні (Паводле І. Шамякіна)

   Звоняць званы Хатыні. Звоняць над спаленымі хатамі, над жыццямі людзей, што ведалі свабоду і шчасце. Звоняць над брацкай магілай аднавяскоўцаў, над магіламі дзяцей, якімі свет яшчэ не ўспрымаўся далей навакольнага лесу.
   Звоняць званы над могілкамі ста васьмідзесяці шасці вёсак, дзе не засталося ніводнай сям’і, дзе не збудавана на папялішчы ніводнай новай хаты.
   Назвы спаленых вёсак засталіся толькі ў памяці народнай ды на магільных плітах Хатыні.
   Як сімвал жывых шумяць тры бярозкі, і гарыць Вечны агонь над магілай кожнага чацвёртага.
   Звоняць званы Хатыні. Звон іх зліваецца з Бухенвальдскім набатам, з жалобнай музыкай над магіламі ахвяр Лідзіцэ і Арадура і гучыць як палымяны заклік: «Людзі, будзьце пільныя!»
   Хатынскі мемарыял стаў месцам усенароднага пакланення. У будні і святы цячэ туды людская рака. Прыходзяць з навакольных вёсак і прыязджаюць з самых далёкіх куткоў нашай Радзімы. Тут кожны чалавек дае клятву сам сабе: зрабіць усё магчымае для таго, каб ніколі і нідзе не паўтарылася падобная трагедыя.
(151 слова)

Паводле І. Шамякіна

 

Похожие статьи:

Васіль ЖуковічВасіль Жуковіч - Бусел над Хатынню

Аркадзь КуляшоўАркадзь Куляшоў - Над спаленай вёскай

Пераказы, дыктантыЗваны Хатыні

Пераказы, дыктантыЗваны памяці

Анатоль ВярцінскіАнатоль Вярцінскі - Вечны сон, вечны звон