Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Цішка Гартны - Восень (I сумна, і нудна, і вецер пяе...)

I сумна, і нудна, і вецер пяе —
Асенняя песня жудой аддае...
Прыбрана у полі, і пуста вакруг,
Адзежаю смутна апрануты луг.

Расліны жывое нідзе не відаць,
Ні голасу птушак нідзе не чуваць.
Толькі і ўбачыш па чорнай раллі
Сямейку сяўцоў невясёлых калі.

Ды мучаюць вуха ўсё крыкі варон,
Злятаючых ў кучу з усенькіх старон.
Ды вока яшчэ хіба можна спыніць
На нівах адзетых, дзе рунь зеляніць.

I сумна, і нудна! Пад вечар і з рання
Бялеюць усюды густыя туманы.
I хмаркі, як дзеці заклятай нуды,
Пярэсцяць і смуцяць там неба ўсягды.

I сумна, і нудна! I жаль так бярэ,
Што восень ізноў зажыла на дварэ,
Што так неўспадзеўкі ў негаданы час
Цяпло і прыволле пакінула нас.

1909

 

Похожие статьи:

Цішка ГартныЦішка Гартны - Спатканне

Цішка ГартныЦішка Гартны (Зміцер Жылуновіч) - Велікодная каробка

Цішка ГартныЦішка Гартны - Думкі

Цішка ГартныЦішка Гартны - Трэскі на хвалях

Цішка ГартныЦішка Гартны (Зміцер Жылуновіч) - Штрэйкбрэхер