У бубны дахаў вецер б’е,
Грыміць па ім, звініць, пяе,
І спеў ліецца ўсё мацней, –
Гулянку справіў пан Падвей.
У бубны дахаў вецер б’е,
Грыміць па ім, звініць, пяе.
Ўскіпела снежнае віно,
І белай пенай мкне яно.
У бубны дахаў вецер б’е,
Грыміць па ім, звініць, пяе.
Па вулках вее дзікі хмель,
Гудзіць сп’янелая мяцель.
У бубны дахаў вецер б’е,
Грыміць па ім, звініць, пяе.
Похожие статьи:
Сяргей Грахоўскі → Сяргей Грахоўскі - Зімовы сум
Пераказы, дыктанты → Бура
Эдзі Агняцвет → Эдзі Агняцвет - Галоўны дворнік
Алесь Гарун → Алесь Гарун - Завіруха
Міхась Чарот → Міхась Чарот - Завіруха