Аднаскладовая стапа — эксперыментальны від стапы з аднаго склада.
Сустракаецца ў брахікалане, у радках якога — адно-два самастойныя аднаскладовыя словы, што не дазваляе вызначаць памер як ямб або харэй са спандэямі. Вось рэдкі ўзор такой стапы ў санеце-брахікалане Ю. Пацюпы «Шчадрыца»:
Сплаў
сот —
даў
мёд.
Слаў! —
год,
спраў
сплёт
Прэч
з плеч
жаль!
Лепш
цеш
жарсць…...
У радках дзіцячага верша Рыгора Барадуліна «Даўганосы сон», напісаным з выкарыстаннем паранамазіі, па дзве аднаскладовыя стапы:
Воз вёз,
Нос нёс,
Газ гас,
Трос трос,
Воз вёз
Прэч пень,
Нос нёс
Свой цень,
Газ гас
Ад слёз,
Трос трос
Сон рос…...
Відаць, магчымы верш, у радках якога — па тры-чатыры аднаскладовыя стапы.
Похожие статьи:
С → Стапа