Гэты чалавек заслужыў славу выдатнага пісьменніка, настаўніка, асветніка. Яго ведалі ў свеце далёка ад Беларусі. Але ён заўсёды з любоўю ўспамінаў яе і свой родны горад, у гонар якога ўзяў сабе прозвішча – Полацкі.
Сімяон Полацкі нарадзіўся ў сям’і заможных гараджан. Навуку ён пачаў спасцігаць у школе пры полацкім манастыры. Тут не толькі вучылі чытаць і пісаць, але і выкладалі лацінскую і грэчаскую мовы, музыку і спевы.
Пасля школы хлопец паехаў вучыцца ў Кіеў, а потым у Вільню, дзе была акадэмія. Там чыталі лекцыі вучоныя, добра вядомыя ва ўсёй Еўропе. На занятках юнак чуў, што не Сонца круціцца вакол Зямлі, як тады лічыла большасць людзей, а Зямля з іншымі планетамі круціцца вакол Сонца.
У гэты час полацкага юнака ўжо ведалі як таленавітага паэта. Свае вершы ён, апрача роднай беларускай мовы, пісаў яшчэ на польскай, лацінскай і рускай мовах.
(140 слоў)
Паводле У. Арлова.
Похожие статьи:
Уладзімір Арлоў → Уладзімір Арлоў - Час чумы
Уладзімір Арлоў → Уладзімір Арлоў - Дзень, калі ўпала страла
Уладзімір Арлоў → Уладзімір Арлоў - Сны імператара
Іншае → Сімяон Полацкі
Сачыненні → Літаратурная спадчына Сімяона Полацкага
