Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Аматары ночы

   Зімовы лес яшчэ спіць, а сава ўжо пачынае свой веснавы спеў, нібы прыспешвае наступленне цяпла. Совы першымі адкрываюць пеўчы сезон у лесе. Гэтых птушак лічаць аматарамі начнога жыцця, бо найбольшую актыўнасць яны праяўляюць з наступленнем змроку.
   Сустрэць соў мараць турысты. Таму спяшаюцца ў Бярэзінскі запаведнік, дзе праводзяцца спецыяльныя туры для назірання за птушкамі ў навакольным асяроддзі.
   Гучны рокат даўгахвостай няясыці напаўняе яловы змрок у канцы лютага. Няясыць – буйная і найбольш прыкметная сава з доўгім паласатым хвастом. Яна селіцца ў аколіцах балот, на лясных астраўках пасярод балотных масіваў, дзе сустракаюцца высокія яліны і сосны. Для гнязда сава выбірае дупло дрэва, ссечанага навальніцай. Часам гэтыя птушкі замацоўваюць за сабой дуплы надоўга і вяртаюцца да іх штогод.
   У канцы красавіка ў гняздзе няясыці з’яўляюцца птушаняты. Пухнатыя камочкі вылупліваюцца з белых авальных яек. Маці корміць малых мышамі-палёўкамі, дробнымі птушкамі.
(140 слоў)

Паводле С. Гук.

Похожие статьи:

Кандрат КрапіваКандрат Крапіва - Сава, Асёл ды Сонца

Пераказы, дыктантыАхова навакольнага асяроддзя

Пераказы, дыктантыШэры драпежнік

Пераказы, дыктантыЭкалагічная сцежка

Уладзімір ДубоўкаУладзімір Дубоўка - Чаму сава пяе ўначы, а ўдзень маўчыць