Сонейка зірнула
Ў мёрзлае акно,
Іскрамі заззяла
Дзіўна так яно.
Раненька прачнуўся
Хлопчык Васілёк
I ў акно убачыў
Светленькі дзянёк.
Жыва ён памыўся,
Паўтарыў урок,
Скоранька паснедаў
З таткам Васілёк.
Сёння дзень вясёлы,
Ззяе яснатой:
Добра бегчы ў школу
Дзеткам грамадой.
За акном, як срэбра,
Скрозь бялеўся снег.
Хлопчык хутка ў школу
З сябрамі пабег.
1922
Похожие статьи:
Кастусь Жук → Кастусь Жук - Урок
Авяр’ян Дзеружынскі → Авяр’ян Дзеружынскі - Хто вас у школу сабіраў?
Пераказы, дыктанты → Вясковы асветнік
Пераказы, дыктанты → Дарога ў школу
Мікола Чарняўскі → Мікола Чарняўскі - Пайшлі ад нас канікулы
