Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Янка Журба - У зімовы вечар

Маці адвячоркам
Села ля акна:
Хоча дзецям казку
Расказаць яна.

Каля роднай мамкі
Селі мы ў радок.
Нам прытульна, добра,
Цёплы наш куток.

Завіруха вые
Ў цемрадзі пустой.
Палілася казка
Хваляй залатой.

Пра таго асілка,
Што павёў народ,
Каб прагнаць з краіны
Ўвесь варожы род.

Слухаем уважна
Мы матульчын сказ.
Шпарка пралятае
Наш вячэрні час.

Роем нашы думкі
Хуценька плывуць
Ўдаль, за акіяны,
Ў небяспечны пуць.

Хай завеі ў полі,
Хай і сівер там, –
Тут, у цёплай хаце,
Добра з маткай нам.

1921

 

Похожие статьи:

Пераказы, дыктантыНа скрыжаванні

Пераказы, дыктантыДа маці

Пераказы, дыктантыСустрэча з маці

Янка ЗолакЯнка Золак - Ода маці

Пераказы, дыктантыІ надыходзіць дзень