Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Якуб Колас - Раніца вясною

Ціха ў полі, ціха ў лесе,
А ні шэпне вецярок,
Толькі дзесь у паднябессі
Льецца звонкі галасок.

Як бы срэбраны званочак
Роніць ўніз за трэлем трэль,
Аж заслухаўся гаёчак,
Не парушыцца і ель.

На усходзе бляск агністы
Літым золатам дрыжыць,
Слуп высокі, прамяністы
Роўным полымем гарыць.

Тонкіх хмарак валаконцы
Сталі хораша ў радок,
Як бы ўюць яны для сонца
З тых валоканцаў вянок.

Ціха ў полі, ціха ў лесе,
Чуць балбоча ручаёк,
А высока ў паднябессі
Льецца звонкі галасок.

 

Похожие статьи:

Язэп ПушчаЯзэп Пушча - Раніца

Пераказы, дыктантыВясновая раніца

Язэп ПушчаЯзэп Пушча - Раніцу шчэбет пільнуе ...

Пераказы, дыктантыРаніцою

Авяр’ян ДзеружынскіАвяр’ян Дзеружынскі - Летняя раніца