Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Рыгор Крушына - Пастараль

Згадка лашчыць далёкія дні.
Ціха ў лесе звіняць камары.
А на полі – сляпні, авадні...
У спякоце гараць папары.
 
Я на ўзлессі сядаю на пень,
Там мурашкі таўкуцца ў карчы.
Песня, хваляй гарачай успень
Захапленне маё, і крычы.
 
Мой запал не пагас, не патух –
Як паходню, вышэй падыму.
Чую – дзесьці спявае пастух,
Падпявае пастушка яму.
 
Згадка лашчыць далёкія дні.
Паліць сонца і джгаліць сляпень.
Але мілы прытулак радні,
Але родная ўсюды цвіцень.
 
Пугі ляск і рыканне кароў,
I ў паветры сухім – сырадой...
Зноў каханнем бунтуецца кроў,
Мае песні плывуць чарадой.

 

Похожие статьи:

Рыгор КрушынаРыгор Крушына - Секстына

Рыгор КрушынаРыгор Крушына - Тэрцыны

БиографииРыгор Крушына

ППастараль

Рыгор КрушынаРыгор Крушына - Крушына