Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Рыгор Барадулін - Заспаная раніца мжыстая...

Заспаная раніца мжыстая,
На фарбы і гукі скупая.
Нібыта сцяжынаю мшыстаю,
Прыціхлай зямлёю ступаеш.

I вёдры прыглушана бразгаюць
Каля адсырэлае студні,
Лісцёваю дыхае брагаю,
Пакутуе восень застудай.

Цыбатай нагой жураўлінаю
Імшарамі верасень крочыць.
Ад кіслых прысмак журавінавых
Заплюшчыла сонца вочы.

Цвітуць успаміны верасам.
Няяснае мроіцца-сніцца.
I моцна жадаецца-верыцца,
Што ўсё да паўдня праясніцца.

 

Похожие статьи:

Якуб КоласЯкуб Колас - Раніца вясною

Язэп ПушчаЯзэп Пушча - Раніцу шчэбет пільнуе ...

Пераказы, дыктантыВясновая раніца

Авяр’ян ДзеружынскіАвяр’ян Дзеружынскі - Летняя раніца

Пераказы, дыктантыРаніцою