Найти на сайте: параметры поиска

Увага!!! Невялія апавяданні і вершы пададзены ў поўным варыянце

Набыць беларускія кнігі можна на сайтах prastora.by і knihi.by



Раіса Баравікова - Верш да дзяцей

Дзень распачаўся раніцай вясёлай.
Хутчэй у двор —да сонца і да траў...
I там запросім да сябе анёла,
ён дзесьці тут і ўсё нам дараваў.

У свеце, поўным д'ябальскае сілы,
што сее ў душах чорны цень жуды,
ён расхіне над намі свае крылы
і ў час ліхі затуліць ад бяды.

I застанецца з намі ранак гожы,
птушыны грай і полымнасць рабін,
і ў сэрцы будзе ліцца голас Божы:
шануй бацькоў,

не ўкрадзь

і не забі!

 

Комментарии (0)

Нет комментариев. Ваш будет первым!