Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Мікола Мятліцкі - Хаціна ў палыне...

Хаціна ў палыне
Па вокны, як па вочы.
У кожным тут акне
Пагляд бяды сірочы.

Вятры з усіх бакоў
Ідуць будзіць світанні.
Не постаці бацькоў –
У травах смерці здані.

Быльнёг паміж масніц
Праціснуўся, кудлаты.
На покуце сядзіць
Нязваным госцем хаты.

Сціскае сэрца жаль.
Ліст крапівы каляны
На смерці чорны баль
Бядой сюды пазваны.

Дзядоўнік ўцісся ў кут,
Як дзед чужы, старэчы.
Забылася, што тут
Скакаў агонь у печы.

I мама пры агні
Схілялася шторанне,
I грэла ў цішыні
Чало агню дыханне.

У коміне гуло.
Скакалі страшна цені.
Ды цёпла мне было,
Малому, на чарэні.



Крыніца: Прайсці праз зону. Кн. 2. Проза, паэзія, публіцыстыка / Уклад. І. Бутовіч; Маст. В. Шкаруба. Мн.: Маст. літ., 2001. – 558 с.

 

Похожие статьи:

Алесь ПісьмянкоўАлесь Пісьмянкоў - 1986

Артур ВольскіАртур Вольскі - Боль Чарнобыля

Мікола МятліцкіМікола Мятліцкі - Санеты Чарнобыля

Сучасная літаратура БеларусіТэма Чарнобыля ў беларускай паэзіі

Пімен ПанчанкаПімен Панчанка - Аб самым смачным...