Баю, баю баечку,
Граю, граю граечку.
Я пайшоў далінаю,
Вузкаю сцяжынаю.
Там над самай рэчкаю,
Ёсць кусты з парэчкамі.
Пад высокай кручаю –
Крапіва пякучая.
Ёсць лазіна стройная,
Гладкая і роўная.
Выразаў я дудачку,
Дудачку-пагудачку.
Засвістаў я птушкаю,
Птушкаю-пяюшкаю.
Заіграў я граечку,
Траля-траляляечку.
Рэхі пакаціліся –
Жаўранкі здзівіліся.
Камары зляцеліся –
Ім свістаць хацелася.
Пчолкі пазбіраліся –
Ім свістаць жадалася.
Г'ускі тпрывалюхалі,
Дудачку паслухалі.
– Дай нам, дай нам дудачку,
Дудачку-пагудачку.
– Дай нам, дай свісцёлачку
Пасвістаць пад ёлачкай.
Граю, граю граечку,
Траля-траляляечку.
Похожие статьи:
Змітрок Бядуля → Змітрок Бядуля - На каляды к сыну
Эдзі Агняцвет → Эдзі Агняцвет - Дудка
Віталь Вольскі → Віталь Вольскі - Цудоўная дудка
Францішак Багушэвіч → Францішак Багушэвіч - Мая дудка
Пераказы, дыктанты → Дудка беларуская
