На выспы і на ўзлескі,
На сонечны прыгрэў
Разбегліся пралескі
З-пад азалелых дрэў.
Набраклі сокам клёны.
Пах кружыць галаву.
Спусціўся дождж зялёны
На лес і на траву.
Птушыны грай святлістым ранкам
Усё смялей, усё гучней.
Пяе на яблыні заранка,
На вішні свішча салавей.
Паслухаўшы іх спеў натхнёны,
Гарбуз і той на нізкі плот
Павесіў цвету мікрафоны
I штось мурлыча, быццам кот.
Похожие статьи:
Віктар Гардзей → Віктар Гардзей - Старыя жорны
Пераказы, дыктанты → Пралескі
Віктар Гардзей → Віктар Гардзей - Каламутная вада
Пераказы, дыктанты → Пралеска
Віктар Гардзей → Віктар Гардзей - Лясная трывога
