І шафёр, і пешаход
Кожны знае ў свеце
Знак увагі – пераход!
Асцярожна – дзеці!
Грузавік спыніў свой ход,
Сталі легкавушкі.
Асцярожна – пералёт!
Асцярожна – птушкі!
Кожны падарожны рад
Прывітаць, прывеціць:
– Добрай раніцы, дзетсад!
Добры шлях вам, дзеці!
Нават сонца маладзей
Глянула з блакіту –
Гэта будучыні дзень
Выйшаў на арбіту.
Хай заўсёды з веку ў век
Добрым знакам будзе:
Асцярожна – чалавек!
Асцярожна – людзі!
1977
Похожие статьи:
Васіль Быкаў → Васіль Быкаў - Знак бяды
Васіль Быкаў → Васіль Быкаў - Знак бяды
Васіль Быкаў → Знак бяды. Ідэйны змест. Вобразы Петрака і Сцепаніды
Васіль Вітка → Васіль Вітка - Трывога ў Ельнічах
Васіль Быкаў → Мастацкія асаблівасці аповесці Васіля Быкава "Знак бяды"
