Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Фалькларыстыка

Кнопка отправить на печать

   Фалькларыстыка – навука пра народную паэтычную творчасць (фальклор) як неад’емную частку духоўнай культуры народа. Фалькларыстыка звязана з этнаграфіяй, літаратуразнаўствам, абрадамі і звычаямі, міфалогіяй і інш.
   Задачы фалькларыстыкі:
- збіраць і выдаваць фальклорныя творы;
- даследаваць спецыфічныя рысы калектыўнай вуснай народнай творчасці, гістарычныя заканамернасці яе развіцця, праблемы паходжання фальклору, яго жанравыя асаблівасці, ідэйна-эстэтычныя і іншыя функцыі; даследаваць спалучэнне калектыўнага і асабістага ў творчай дзейнасці майстроў фальклору (сказіцеляў, казачнікаў, песеннікаў);
- высвятляць узаемасувязі фальклору і літаратуры, месца і ролю народнай творчасці ў народным побыце, у развіцці нацыянальнай культуры; высвятляць нацыянальную самабытнасць і ўзаемадзеянне вусна-паэтычнай творчасці розных народаў.
   Глыбокае вывучэнне фальклору магчыма толькі ў працэсе яго вуснага бытавання, выканання. Таму збіральніцкія і даследчыцкія задачы фалькларыстыкі непадзельныя.


Крыніца: Беларуская энцыклапедыя: У 18 т. Т.16: Трыпалі – Хвіліна / Рэдкал.: Г. П. Пашкоў і інш. – Мн.: БелЭн, 2003. – 576 с.