Найти на сайте: параметры поиска

Увага!!! Невялія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by

 

 Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Прэмія літаратурная

Кнопка отправить на печать

   Прэмія літаратурная — матэрыяльная і ганаровая (грамата, медаль, дыплом) узнагарода за выдатныя дасягненні ў галіне літаратурнай дзейнасці, устаноўленая дзяржавай ці асобнай арганізацыяй.
   Найбольш ганаровая літаратурная прэмія ў сучасным свеце — Нобелеўская прэмія (прысуджаецца ў Швецыі з 1901). У СССР найвышэйшымі літаратурнымі ўзнагародамі былі Ленінская прэмія (сярод лаўрэатаў — Пятрусь Броўка, Іван Мележ, Максім Танк, Васіль Быкаў) і Дзяржаўная прэмія СССР (былая Сталінская; з беларускіх пісьменнікаў яе атрымалі Янка Купала, Якуб Колас, Кандрат Крапіва, Аркадзь Куляшоў, Пятрусь Броўка, Максім Танк, Іван Шамякін, Янка Брыль, Васіль Быкаў, Пімен Панчанка, Аляксей Дудараў).
   У нашай краіне самыя прэстыжныя літаратурныя прэміі — Дзяржаўныя прэміі Беларусі, якія прысуджаюцца Урадам рэспублікі за выдатныя творы ў галіне паэзіі і драматургіі (імя Янкі Купалы), прозы і літаратуразнаўства (імя Якуба Коласа). Сярод лаўрэатаў Дзяржаўнай прэміі Беларусі — Алесь Адамовіч, Васіль Вітка, А. Грачанікаў, У. Калеснік, Уладзімір Караткевіч, Андрэй Макаёнак, Пятрусь Макаль, Янка Маўр, Іван Мележ, В. Палтаран, Ю. Пшыркоў, Барыс Сачанка, Я. Семяжон, Іван Чыгрынаў, А. Якімовіч і інш.
   Існуюць літаратурныя прэміі асобных устаноў і арганізацый (Саюза пісьменнікаў Беларусі, Саюза беларускіх пісьменнікаў, прафсаюзаў Беларусі, рэдакцый часопісаў і інш.). Адна з самых ганаровых прэмій апошняга часу - штогадовая прэмія Прэзідэнта Рэспублікі Беларусь "За духоўнае адраджэнне", якая прысуджаецца і асобным пісьменнікам.