Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Наватарства

Кнопка отправить на печать

   Наватарства (ад лац. novator — абнавіцель) — новы падыход да адлюстравання жыцця, які суправаджаецца таксама і абнаўленнем мастацкай формы, выяўленчых сродкаў, адкрыццё новых шляхоў у мастацкай творчасці. Творчасць кожнага выдатнага пісьменніка нясе ў сабе новыя ідэі, вобразы, новыя думкі аб жыцці, адкрывае яшчэ нязведаныя бакі рэчаіснасці. Разам з гэтым у ёй выкарыстоўваюцца і новыя спосабы, прыёмы мастацкага адлюстравання жыцця, якія не сустракаліся раней. Такім чынам, кожны сапраўдны, вялікі пісьменнік — наватар у літаратуры. Але новае не ўзнікае на пустым месцы. Для таго каб стварыць нешта арыгінальнае, сваё, пісьменнік павінен авалодаць вопытам сваіх папярэднікаў, засвоіць іх дасягненні ў вобразным адлюстраванні жыцця. Толькі абапіраючыся на ўжо дасягнутае, развіваючы папярэднія дасягненні, пісьменнік можа адкрываць новыя шляхі ў літаратуры.
   Сіла і значэнне наватарства залежаць ад таленту пісьменніка, ад шырыні яго кругагляду, прагрэсіўнасці светапогляду, ад мастацкіх традыцый літаратуры, на якія ён абапіраецца. Наватарства ў літаратуры залежыць ад гістарычнага развіцця грамадства, ад тых сацыяльных і іншых зрухаў, перамен, якія адбываюцца ў рэчаіснасці.