Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Гукаперайманне

Кнопка отправить на печать

   Гукаперайманне - імітацыя з дапамогаю гукаў пэўнай мовы тых ці іншых гукаў рэчаіснасці.
   Інструментоўка на асобныя (перш за ўсё зычныя) гукі дапамагае асацыятыўна ўзнавіць то грукат грому ("Грамы варочаюцца: - Гах! Га-гах! // Падтаквае ім роскат крутабокі" - С. Гаўрусёў), то ціканне гадзінніка ("Я гадзіннік, вам будзільнік, // Каб не дзынкнуў - дзінь-дзінь-дзінь, // Вы б у школу не схадзілі // І праспалі б як адзін" - С. Шушкевіч), то шум і рокат горнага вадаспаду ("У горных жорнах перацёрты, // Па схіле, як па латаку, // Паток ссыпаўся, распрасцёрты, // І ніцма падаў у раку" - М. Лужанін), то стукат конскіх капытоў ("Пад падковамі рытм. // Перастук пад падковамі" - Максім Танк), то свіст косаў ("Дзе вы, брацці-ўдальцы, дзе вы, хлопцы-касцы?" - Янка Купала), то яшчэ што-небудзь.
   Аднак ні ў якім разе нельга думаць, што быццам бы сродкамі гукапераймання можна дакладна ўзнавіць пэўныя гукі рэчаіснасці. Зрабіць гэта немагчыма, дый не патрэбна. Дастаткова, што па асацыяцыі, гукавой аналогіі ў нашай уяве паўстае гукавы, а за ім - зрокавы вобраз з'явы ці прадмета.
   Да гукапераймання адносіцца анаматапея (ад грэч. onomatopoieia -вытворчасць назваў) - ужыванне гукапераймальных слоў, якія імітуюць асобныя гукі прыроды, крыкі птушак, звяроў і гэтак далей (зязюля кукуе, певень кукарэкае, кот мяўкае). Анаматапея сустракаецца, у прыватнасці, у вершы Янкі Лучыны «Вясновай парой»:

— Дурна кажа салавейка,
Брэша, сын сабачы:
«Дай-дай!»— Песня та — капейка!
Лепшы говар драчы:
«Дзяры!.. бяры!.. — Будзеш есці
І мёд піці збанам.
Пры худобе і пры чэсці
Скора станеш панам».
— А вароны што казалі,
Ой там, у граніцы?..
Яны кажуць: «Кралі, кралі!..» —
Там, на шыбяніцы.