Найти на сайте: параметры поиска

Увага!!! Невялія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by

 

 Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Выдавецтва

Кнопка отправить на печать

   Выдавецтва - установа, якая займаецца падрыхтоўкай да друку асобных і перыядычных выданняў.
   У выдавецтве працуюць кваліфікаваныя спецыялісты, што праводзяць, у прыватнасці, рэдагаванне прапанаваных да друку матэрыялаў (літаратурная і граматычная праўка рукапісаў, падрыхтоўка іх да здачы ў набор) і карэктуру (вычытка рукапісных і наборных тэкстаў, выпраўленне памылак).
   Першыя беларускія нацыянальныя выдавецтвы ўзніклі пасля рэвалюцыі 1905-1907 гг. — "Загляне сонца і ў наша ваконца" (Пецярбург, 1906-1914), В. А. Грыневіча (Пецярбург, 1910-1914), выдавецтва газеты "Наша ніва" (Вільня, 1906-1915), "Мінчук" (1906-1907), "Лучынка" (Мінск, 1914) і інш. Пасля Кастрычніцкай рэвалюцыі ўсе выдавецтвы сталі дзяржаўнай уласнасцю. У 1921 г. створана Дзяржаўнае выдавецтва БССР, якое на доўгія гады манапалізавала выданне беларускай мастацкай і літаратуразнаўчай кнігі.
   Сёння на Беларусі працуе шмат выдавецтваў, каля 10 буйных дзяржаўных і некалькі соцень прыватных і кааператыўных. Беларускую арыгінальную і перакладную літаратуру і літаратурную крытыку выпускае выдавецтва "Мастацкая літаратура" (з 1972). Кнігі па літаратуразнаўству, падручнікі па мове і літаратуры, а зрэдку і мастацкія кнігі выдаюць "Народная асвета", "Вышэйшая школа", "Беларуская навука", "Беларуская энцыклапедыя", некаторыя прыватныя выдавецтвы.