Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by ці на сайце oz.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Незвычайны выпадак

Кнопка отправить на печать

   У той летні дзень, калі гэта адбылося, і пасля абеду спёка не спадала. Парыла на дождж. Мы, трое сямігадовых жэўжыкаў, стаялі каля плота і назіралі, як над вуліцай вывіваліся адна перад адною белагрудыя ластаўкі. Яны лавілі мошак, што перад дажджом апускаюцца да самай зямлі.
   Каму з нас прыйшла прыкрая думка палохаць іх, ужо не памятаю. Мы набралі сухіх камячкоў гразі і пачалі шпурляць, як толькі ластаўкі абміналі нас. Птушкі не бралі пад увагу нашу забаўку.
   I ўсё ж, як спрытна яны ні вывіваліся, адна з іх раптам чвікнула і ўпала.
   Ці ж маглі мы думаць, чым скончыцца наша гульня?
   Я падбег, падняў ластаўку, палажыў на далонь. Яна раскрыла вочка, зірнула з дакорам на нас і зноў заплюшчыла. I колькі ж папроку і болю было ў тым кароценькім позірку!
   Хтосьці з хлапчукоў прымчаў вады ў конаўцы. Я набраў у рот і праз зубы пырснуў на галоўку. Думаў, што гэта паможа ёй, як памагло было мне, калі я страціў прытомнасць і сястра пырснула вадою ў твар. Нашы надзеі не спраўдзіліся.
(170 слоў)

Паводле А. Пальчэўскага.