Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by ці на сайце oz.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Ляцяць, ляцяць крылатыя вешчуны

Кнопка отправить на печать

   Вясна ідзе. Хто з вас, сябры, не радуецца надыходу гэтай цудоўнай пары! Хто не чакае яе цёплых, сонечных дзён!
   Яшчэ наўкол ляжыць глыбокі снег. Моцна скаваны лёдам азёры і рэкі. Але ўжо сінее неба, яскравей свеціць сонца, асядае снег. На таполях набракаюць пупышкі. Пройдзе тыдзень-другі – і вясна зазвініць капяжамі. Сонечнымі пырскамі загамоняць на вуліцах ручаінкі. Загрукоча на рэках лёд. Абудзіцца ад птушынага шчэбету маўклівы лес.
   Пяшчотна заспяваюць на вершалінах елак крыжадзюбы. З галінкі на галінку пачнуць пераскакваць сініцы. З далёкага поўдня прыляцяць на родныя азёры і балоты чароды гусей, качак, буслоў і жураўлёў.
   Прыйшла вясна. Хто ж з вашых крылатых сяброў прылятае раней? Разведчыкам вясны з’яўляюцца ў нас гракі. Праз тыдзень-паўтара пасля гракоў прылятаюць жаваранкі. А ўслед за жаваранкамі ляцяць шпакі, пліскі. У лясным гушчары сустракае вясну дзяцел.
   Шануйце птушак, не разбурайце іх гнёздаў!
(140 слоў)

З часопіса «Родная прырода»