Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by ці на сайце oz.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Коласаў адпачынак

Кнопка отправить на печать

   Колас не любіў курортаў. Кожнае лета ён выязджаў у якую-небудзь вёску, бліжэй да лесу, да Свіслачы. Уладжваўся з сям’ёй у сялянскай хаце і праводзіў лета сярод лясоў, палёў і лугоў. Любіў ён чыстыя баравыя лясы, дзе прасторна воку, дзе над галавой ніколі не змаўкае вячысты гоман хвойных вяршынь, дзе ў дастатку паветра і сонца. Ён любіў наведвацца ў лес і ранняй вясной, калі толькі паявіліся ў лесе сухія праталіны, а па нізінах, па лагчынах гарэлі пад сонцам залатыя пухнацікі на вербах і лозах.
   Каму даводзілася да вайны бываць з Коласам ранняй вясной у лесе, той мог назіраць такое відовішча: напаткаўшы на дарозе ўгрэтую сонцам лужыну, Канстанцін Міхайлавіч скідаў чаравікі і тупаў босы па лужыне, толькі пырскі разляталіся ва ўсе бакі. I рабіў ён гэта з такім захапленнем, з такой шчырасцю, што на якую хвіліну-другую здавалася, нібы вы бачыце перад сабой не сталага чалавека, а маленькае хлапчанё, якое бязмежна рада і сонцу, і вясне, і гэтым пырскам вады, якія гараць, пераліваюцца пад сонцам усімі колерамі вясёлкі.
(168 слоў)

Паводле М. Лынькова.