Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by ці на сайце oz.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Беларуская міфалогія

Кнопка отправить на печать

   Чалавек заўсёды ў нешта верыў, прыдумляў, у што верыць. Верыў у сваім дзяцінстве, верыць сёння, вядома ж, будзе верыць і заўтра, якім бы яно ні было.
   Чалавек, пакінуты сам-насам з прыродаю, змагаючыся з ёю, не толькі верыў у багоў і нячысцікаў, але і спрабаваў разабрацца, што вакол яго адбываецца. Пра ўсё гэта ён разважаў, умеючы толькі думаць, яшчэ не ўмеючы чытаць і пісаць. Ён проста ўглядаўся ў свет, імкнуўся разгледзець яго. Ён адухаўляў усё жывое і нежывое на зямлі. Чалавек прагнуў зразумець і ўсвядоміць сябе і сярод бачных раслін ды жывёл, і ў нябачных абдымках Зямлі, у незразумелых прасторах сусвету, космасу. Гэты роздум і нараджаў міфы.
   Наша міфалогія з’яўляецца адной з самых старажытных ва ўсім індаеўрапейскім свеце. Яна вядзе нас у далёкі і неспазнаны дахрысціянскі свет, уводзіць у жыццё нашых продкаў, паказвае, чаго мы баяліся і чаму радаваліся.
(140 слоў)

Паводле Я. Сіпакова.