Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by ці на сайце oz.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Бацькоўскія клопаты

Кнопка отправить на печать

   Пачынаўся золкі досвітак. Чацвярым ластавяняткам было холадна і непрыемна сядзець на дроце. Тулячыся адно да аднаго, ледзь не валіліся з дроту. Іх, натапыраных і расхрыстаных, нават вераб’і маглі палічыць за сваіх. Дзіва што бацькі, якія вярнуліся з палёту і ўбачылі сваіх сіратлівых дзяцей, адразу кінуліся да малых і, спяшаючыся, пачалі карміць. Дзеці з такой прагнасцю глыталі кожную мошку і камара, што бацькі на тым часе кідаліся ў новы палёт і неўзабаве зноў вярталіся.
   Бацька і маці выбіваліся з сілы. А дзеці ўсё разяўлялі і разяўлялі свае ружовыя ненаядныя раты. Першы змогся бацька. Але, седзячы каля дзяцей, заўважыў, што яны ўжо не так прагна кідаюцца да маці. I калі тая падлятала, забываліся нават разявіць рот. Сонца, якое паднялося над хатай, прыгрэла ластавянят. Яны пачалі весела патузвацца, штурхацца. Раптам лёгка рвануліся ў паветра.
   Доўга, з урачыстым, радасным крыкам ляталі ў чыстым блакітным небе ўсё шырэйшымі і шырэйшымі кругамі, аддаляючыся ад хаты.
(151 слова)

Паводле В. Віткі.