Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by ці на сайце oz.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Батанічны сад

Кнопка отправить на печать

   Мы пераходзім праспект Незалежнасці ў горадзе Мінску і трапляем у прыродны музей – Батанічны сад. Пад высокім небам знаходзіцца чароўны куточак зямлі. Здаецца, тут сабрана ўся краса Беларусі, тут сама наша цудоўная краіна ў мініяцюры.
   Нас сустракае зялёны дыван майскай траўкі, кожная сцяблінка якой буяе вясновымі народзінамі. А на гэтай маладой зеляніне, як зорачкі на небе, зіхацяць пяшчотныя маргарыткі. Утульная бярозавая алея выводзіць нас да царства бэзавых раслін-кустоў. Своеасаблівая зямная вясёлка стварае настрой, які адпавядае ліловаму, беласнежнаму, ружоваму, фіялетаваму колерам. У гэтым прыродным музеі ёсць нават гібрыдныя сарты саджанцаў з нацыянальнымі назвамі: Беларускія зоры, Мінчанка, Зорка Венера, Свіцязянка.
   Батанічным садам можна цешыцца гадзінамі і днямі. Тут з задавальненнем хочацца гартаць жывыя старонкі Чырвонай кнігі. Тут лёгка дыхаецца і трывожна думаецца пра жывую і крохкую прыроду нашай зямелькі.
(128 слоў)

Паводле У. Ліпскага.