Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by ці на сайце oz.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Арганы на Беларусі

Кнопка отправить на печать

   Адна з цікавых старонак музычнай культуры Беларусі звязана з арганам. Гісторыя гэтага інструмента налічвае на беларускіх землях не менш як пяць стагоддзяў. Найбольш раннія звесткі пра арган належаць да шаснаццатага стагоддзя і звязаны з каралеўскім замкам у Гродне. У сямнаццатым стагоддзі тэрыторыя бытавання аргана на Беларусі пашыраецца: ён з’явіўся ў Нясвіжы, Ружанах, Пінску, Паставах, пазней у Магілёве і Мінску. У гэтых гарадах працавалі добра падрыхтаваныя прафесійныя выканаўцы.
   На Беларусі навучанне ігры на аргане адбывалася ў школах пры касцёлах і манастырах. З шаснаццатага стагоддзя пачалі адкрываць музычныя навучальныя ўстановы, у якія прымалі адораных сялянскіх дзяцей. Навучанне было бясплатным, але за права вучыцца дзеці павінны былі выступаць у капэлах, якія абслугоўвалі рэлігійныя абрады і цырымоніі.
   Паступовае распаўсюджванне аргана на Беларусі суправаджалася развіццём такіх сфер музычнай дзейнасці, як выканальніцтва, педагогіка і творчасць. Арган садзейнічаў пашырэнню музычных ведаў сярод беларускага насельніцтва.
(140 слоў)

Паводле І. Назінай.