Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by ці на сайце oz.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Алешына

Кнопка отправить на печать

   Наўрад ці хто калі-небудзь захапляўся алешынай. Вось беластволая прыгажуня бярозка альбо асінка ці клён з дубам каго толькі не зачароўвалі. Да алешыны, на жаль, у любую пару года душа чамусьці застаецца абыякавай.
   І сапраўды, што ў ёй цікавага? І ўсё ж яна заслугоўвае ўвагі. Алешына – верны прадказальнік вады. Яна ніколі не вырасце на сухадоле. Паблізу павінен быць гаваркі ручаёк, гуллівая рачулка, ціхае патаемнае балотца альбо вірлівая крынічка.
   А дзе вада ды алешына, там абавязкова і салавей. Ніколі гэты цудоўны птах не заспявае ні на хвойцы, ні на бярозцы альбо дубку. Яму падавай менавіта шэрую алешыну з лазою, ці хіба яшчэ чаромху з калінай. А дзе спявае салавей ды расце алешына, там цвітуць залацістыя кветкі лотаці, блакітныя зорачкі незабудак.
   Алешына, салавей, кветкі – гэта адзін суцэльны ланцуг прыроды. Выкінь адно звяно – усё распадзецца, знікне непаўторная прыгажосць.
(135 слоў)

Паводле Р. Ігнаценкі.