Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Кастусь Акула

Кнопка отправить на печать

   Кастусь Акула (да эміграцыі Аляксандр Качан) нарадзіўся ў вялікай сям’і 16 лістапада 1925 года ў вёсцы Верацеі Вілейскага раёна Віленскай вобласці. Ягоны бацька быў арыштаваны ў 1951 годзе і памёр у сталінскіх лагерах. Атрымаўшы пачатковую адукацыю ў польскай школе і сярэднюю – у савецкай, Кастусь Акула падчас нямецкай акупацыі вывучыўся на настаўніка і выкладаў у Віленскай беларускай гімназіі, паспеўшы правесці чатыры месяцы ў нямецкім канцлагеры. Прайшоўшы падрыхтоўку, ён зрабіўся афіцэрам ухваленай немцамі Беларускай Краёвай Абароны і разам з нямецкімі войскамі пакінуў Менск у чэрвені 1944 года. Аднак ужо ў жніўні, знаходзячыся ў Францыі, ён прыняў бок саюзнікаў і праз чатыры месяцы далучыўся да другой польскай дывізіі Восьмага брытанскага войска, вядомага таксама як Войска генерала Андэрса, ваяваў у Італіі і атрымаў узнагароды, удзельнічалі ў славутай бітве пры Монтэ-Касына, дзе загінула шмат беларусаў. Прабавіўшы нейкі час ў Англіі (1945-1946), у тым ліку праходзячы вайсковае навучанне, у 1947 годзе ён рушыў у Канаду, напачатку жыў у горадзе Ашава, быў адным з заснавальнікаў Згуртавання беларусаў у Канадзе, першым ягоным старшынём. Потым пераехаў у Таронта, належаў да ЗБК, быў адным з актывістаў парафіі св. Кірылы Тураўскага ў Таронта, належаў да лагеру прыхільнікаў Рады БНР.
   Заснаваў першае ў Паўночнай Амерыцы выданне на беларускай мове – газету «Беларускі Эмігрант» (1948-1954), у 1974-1997 гг. выдаваў часопіс «Зважай». Кастусь Акула працаваў на прамысловым прадпрыемстве да выхаду на пенсію ў 1990 годзе, але ў той жа час многа пісаў.
   Пасля абвяшчэння незалежнасці Беларусі, у 1992 годзе наведаў бацькаўшчыну.
   Кастусь Акула пайшоў з жыцця на 83-м годзе пасля цяжкай хваробы 29 студзеня 2008 года.
   Літараіурная спадчына Кастуся Акулы ўключае чатыры складнікі: дакументальны раман «Змагарныя дарогі» (1962); раман на англійскай мове «Tomorrow Is Yesterdaу» («Заўтра - гэта ўчора») (1968); гістарычная трылогія «Гараватка» (1965, 1974 і 1981) і раман «За волю» (1991).
   Акрамя таго, Кастусь Акула – аўтар разнастайных чыста публіцыстычных эсэ, згадак, а таксама трохактнай камедыі «Тараканы ў саладусе» (1957). Гэтыя творы сабраныя ў кнізе «Усякая ўсячына» (1984).


Крыніца: Макмілін А. Беларуская літаратура дыяспары: Манаграфія: / Пер. з англ. В. Бурлак, В. Жыбуля / А. Макмілін. – Мн.: УП «Тэхнапрынт», 2004. – 440 с.