Найти на сайте: параметры поиска

Увага!!! Невялія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by

 

 Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Прамова Мялешкі

Кнопка отправить на печать

"Прамова Мялешкі, кашталяна смаленскага" – літаратурны помнік жанра палітычнай сатыры XVII стагоддзя, з'яўляецца пародыяй на сеймавыя выступленні. У ёй крытыкуюцца грамадска-палітычныя парадкі, што панавалі ў Рэчы Паспалітай у канцы XVI - пачатку XVII ст. Аўтар выступае супраць новаўвядзенняў, якія прывіваліся нямецкімі і польскімі прышэльцамі. Яго турбуе лёс бацькаўшчыны. Згадваюцца сапраўдныя гістарычныя падзеі і асобы, найперш каралі і набліжаныя да іх людзі. Сеймаўскі прамоўца Мялешка таксама асоба рэальная. Аднак Іван Мялешка, мазырскі падкаморый, потым маршалак слонімскі, кашталян мсціслаўскі, брэсцкі, смаленскі з такой прамовай ніколі не выступаў. Матэрыялам для напісання прамовы-пародыі паслужылі запіскі Івана Мялешкі, зробленыя ім пасля варшаўскага сейма 1609 г. Герой твора звяртае ўвагу "літасцівага караля і не менш ласкавых паноў" на парадкі ў дзяржаве. З нейкага часу каралі пачалі больш любіць немцаў, чым свой уласны народ. Аўтар параўноўвае каралёў Жыгімонта І Старога, які "немцев, як собак, не любил", і Жыгімонта II Аўгуста. Азіраючыся на старыя часы, ён бачыць там і апратку прыгажэйшую, і стравы смачнейшыя, і адносіны больш прыстойныя. Вінаватымі лічыць не так караля, як "розных баламутаў", якія пры ім сядзяць. Заканчваецца "Прамова..." згадкай пра фаварытку Жыгімонта III Уршулю і пра выбранне яго дэлегатам на сейм.

Комментарии (0)

Нет комментариев. Ваш будет первым!