Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Янка Купала - Сыны

Кнопка отправить на печать

Сыноў бацька сваіх кліча

На параду ў хату,

А ўрачыста, як бы кліча

На якое свята.


I з павагаю пытае

Кожнага ў асобку,

Кім з іх кожны быці хоча,

Якім жыць заробкам.


*

– Бо, сыны мае, – так кажа,

Жывіцё ў краіне,

Чалавечая дзе праца

Намарна не гіне.


I сыны адказ трымалі

Перад бацькам родным,

А стараўся з іх быць кожны

Свайго бацькі годным.


*

Першы кажа: – Землі буду

Трактарам варочаць,

Каб рунелі, зелянелі,

Аж яснелі вочы.


Каб раслі ў рост чалавека

Жыта і пшаніца,

Каб аж госці к нам з-за свету

Ехалі дзівіцца.


*

Другі кажа: – На заводзе

Быць хачу даўно я,

Дзе чыгун ракою льецца,

Дзе звініць сталь звонам.


Будаваць буду дзень цэлы

Домны і мартэны,

Медзь і вугаль браць у дзела

Ад шахтаў падземных.


*

– Плаваць я пайду на мора, –

Сказаў гэтак трэці, –

Дзе «Чэлюскін» горда плаваў,

Дзе пурга, дзе вецер.


Ад халодных да гарачых

Мораў рэйс мой будзе.

Параход мой будзе грозна

Рэзаць хваляў грудзі.


*

Сын чацвёрты: – Хачу лётаць

Птушкаю крылатай,

Мераць неба ў самалёце

Над тваёю хатай.


Арлянём сябе ў сне бачу,

Не знаю спакою…

Хачу быць я, мой ты бацька,

Лётчыкам-героем.


*

– Байцом буду я чырвоным, –

Пяты кажа гэтак, –

Сцерагчы граніцы-межы

Краіны Саветаў,


Каб наш вораг пры нападзе

Сустрэнуў магілу.

Байцом буду, каб з мяне быў

Рад сам Варашылаў.


*

А сын шосты: – Складаць песні

Буду, колькі змогі,

Пра вялікія падзеі...

Сталінскай эпохі


Як працуем, як знішчаем

Здрадныя напасці,

Як будуем, як ствараем

Казачнае шчасце.


*

Так сыны адказ трымалі

З гонарам юначым,

Свае выказаці думкі

Не ўмелі іначай.


Бальшавік быў іхні бацька,

Пралетарый родам,

Зведаў сушы, зведаў моры,

Бітвы і паходы.


1935

Комментарии (0)

Нет комментариев. Ваш будет первым!