Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by ці на сайце oz.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Янка Журба - Янка-баяніст

Кнопка отправить на печать

У калгасе нашым Янка –

Слаўны баяніст,

Камсамолец працавіты, –

Добры трактарыст.


Сёння ў клубе вечарынка

Ўжо шуміць даўно.

Пазірае ў клуб лагодна

Месяц праз акно.


Во дзяўчаты заспявалі,

Янка ўміг да іх.

Ён усіх баянам цешыць –

Маладых, старых.


Заспяваў Янук пра Нёман, –

Клуб увесь прыціх.

Спеў прывабны, спеў натхнёны

Захапляе ўсіх.


А як рушыў Янка ў танцы –

Задрыжэў наш клуб,

Бура воплескаў навокал:

Янка ўсім нам люб.


У калгасе нашым Янка –

Слаўны баяніст,

Камсамолец працавіты, –

Добры трактарыст.



Крыніца: Журба Я. Вершы. Мн., "Нар. асвета", 1970. – 144 с.

Комментарии (0)

Нет комментариев. Ваш будет первым!